کراچی کی سیاست بدلنے والی ہے؟
اتوار 28 اکتوبر 2018 3:00
دبئی.... پاک سرزمین پارٹی کے رہنماﺅں نے سابق گورنر سندھ ڈاکٹر عشرت العباد سے نئی پارٹی کیلئے صلاح مشورے کئے ہیں ۔ ذرائع کے مطابق پاک سرزمین پارٹی کے متعدد رہنماوں نے سابق گورنر سندھ ڈاکٹر عشرت العباد سے ملاقاتیں کی ہیں۔ذرائع کا کہنا ہے کہ نئی پارٹی کیلئے مشاورت کی جا رہی ہے۔ ڈاکٹر عشرت العباد کی قیادت میں مشترکہ لائحہ عمل بنانے پر غور کیا گیا۔ذرائع نے بتایا کہ سندھ کے شہری علاقوں کے بہتری کیلئے نئی پارٹی بنانے پر غور کیا گیا۔ذرائع کے مطابق ڈاکٹر عشرت العباد نے نئی پارٹی بنانے پر رضا مند ی ظاہر کی ہے تاہم پارٹی کے نام کا نہیں بتایا جارہا جب کہ پی ایس پی کے ایک رہنما نے سابق گورنر سے رابطوں اور نئی پارٹی کے قیام سے متلعق امور کی تصدیق کی ہے۔ ذرائع کا کہنا ہے کہ انیس ایڈوکیٹ، رضاہارون، ڈاکٹرصغیر، وسیم آفتاب، سلیم تاجک اور شکیل عمر نے الیکشن میں ناکامی پر پارٹی سے راہیں الگ کرلیں۔دوسری جانب ڈاکٹر عشرت العباد سے پی ایس پی رہنماوں کی ملاقات پر انیس ایڈووکیٹ نے ردعمل میں کہا ہے کہ ڈاکٹر عشرت العباد کے ساتھ 35 سال اکٹھے کام کیا ہے۔ ان سے اختلافات دور کرنے کیلئے ملاقات کی۔نئی پارٹی کے قیام کی خبریں بے بنیاد ہیں۔ ڈاکٹر عشرت العباد سے ملاقات پارٹی قیادت کی اجازت سے کی۔
