چین کئی قلیل و طویل مدتی پیکیجز دے گا‘ وزیرا عظم

اسلام آباد:  وزیرا عظم عمران خان سے قومی اسمبلی کے اسپیکر اسد قیصر، وزیر دفاع پرویز خٹک اور خیبر پختونخوا کے ارکان قومی اسمبلی نے ملاقات کی۔ اس موقع پر وزیر اعظم کا کہنا تھا کہ چین پاکستان کی ہر طرح سے مدد کرنے پر تیار ہے۔ ذرائع کے مطابق اہم اجلاس میں صوبے میں جاری ترقیاتی منصوبوں سے متعلق بات چیت ہوئی اور وزیرا عظم کو بلدیاتی نظام سے متعلق آگاہ کیا گیا۔
ذرئع ابلاغ کی رپورٹ کے مطابق وزیر اعظم نے دورہ چین سے متعلق بات کرتے ہوئے بتایا کہ چین پاکستان کی ہر طرح سے مدد کرے گا اور شارٹ ٹرم اور لانگ ٹرم معاشی پیکیجز دیے جائیں گے۔ دورہ چین میں رشکئی میں صنعتی زون کو جلد آپریشنل کرنے کا فیصلہ بھی ہوا ہے۔
علاوہ ازیں وزیر اعظم عمران خان سے قبائلی علاقوں کے 2 ارکان قومی اسمبلی محسن داوڑ اور علی وزیر نے بھی ملاقات کی جس میں فاٹا کے مسائل پر بات کی گئی۔ وزیر اعظم نے کہا کہ فاٹا میں گڈ گورننس کو یقینی بنائیں گے۔  قبائلی علاقوں میں ترقیاتی کام حکومت کی اولین ترجیح ہے۔

مزید پڑھیں:- - - -  -آئی ایم ایف سے قرض کے لیے آج مذاکرات