پی سی بی نے نجم سیٹھی کے الزامات مسترد کردیے

لاہور:پاکستان کرکٹ بورڈ نے سابق سربراہ نجم سیٹھی کی طرف سے بھجوائے جانے والے قانونی نوٹس کا جواب دے دیا جس میں ان کے تمام الزامات کو مسترد کردیا گیا۔ پاکستان کرکٹ بورڈ کی جانب سے کرکٹ بورڈ کے سابق سربراہ نجم سیٹھی کے نوٹس پر ردعمل کا اظہار کرتے ہوئے موقف اختیار کیا گیا کہ سابق سربراہ نے اپنے نوٹس میں جو الزامات لگائے ہیں، وہ بے بنیاد ہیں اور بورڈ انہیں یکسر مسترد کرتا ہے جبکہ اس حوالے سے تمام الزامات پر بورڈ کو قانونی کارروائی کا حق حاصل ہے۔پی سی بی کے مطابق نجم سیٹھی نے بطور سربراہ 7 کروڑ روپے سے زائد کے ذاتی ا خراجات کیے ۔سابق سربراہ نے اسے اپنی شہرت کو نقصان پہنچانے کی کوشش قرار دیتے ہوئے پی سی بی کے موجودہ چیئرمین احسان مانی کو لیگل نوٹس میں معافی مانگنے اور اخراجات کی تفصیلات کو ویب سائٹ سے ہٹانے کا مطالبہ کیا تھا۔

 کھیلوں کی مزید خبریں اور تجزئیے پڑھنے کیلئے واٹس ایپ میں "اردونیوز اسپورٹس"جوائن کریں