آئی میک اپ کے جدید اور منفرد انداز
فیشن میں جدت میک اپ ، ملبوسات اور دیگر ایسیسریز پر اثر انداز ہوکر ان میں تیزی سے تبدیلی کا سبب بنتی ہے . آرائش حسن میں نت نئی مصنوعات کا اضافہ خواتین کے لیے خوش آئند ثابت ہوتا ہے . آئی میک اپ کی بات کی جائے تو جدید اور منفرد انداز اوررنگوں کے امتزاج اور بلینڈنگ سے آنکھوں کے حسن کو دوبالا کیا جا سکتا ہے . آنکھوں پر ہلکا براؤن شیڈ لگائیں اور اسکی بلینڈنگ سروں تک محدود رکھیں . آنکھوں کو پر کشش بنانے کے لیے چاکلیٹ براؤن آئی لائنر استعمال کریں . یہ لائنر آنکھوں کے نچلے حصے پر بھی لگائیں . لگانے کے بعد چھوٹے سائز کے اسکوائر برش سے اسکی بلینڈنگ کریں . اگر آپ آنکھوں کو شمری لک دینا چاہتی ہیں تو آنکھوں کےاندرونی حصے میں کریم رنگ کی شمری پینسل لگا لیں . کوشش کریں کہ دن کی تقریبات میں گہرے آئی شیڈ کا استعمال نہ کریں بلکہ آنکھوں پر ہلکا خاکستری یا پیچ رنگ لگائیں تاکہ میک اپ میں توازن برقرار رہے . پلکوں کو کرل کرلیں اور اوپری پلکوں پر وافر مقدار میں مسکارا لگائیں . آپکی آنکھیں ایک خوبصورت اور دلکش تاثر پیش کریں گی .
