شہباز شریف کے داماد کے نام اربوں کی جائداد

لاہور...سابق وزیر اعلی پنجاب شہباز شریف کے داماد علی عمران کے نام پر اربوں روپے کی جائیداد کا انکشاف ہوا ہے۔احتساب عدالت میں نیب کی جانب سے علی عمران کی جائیداد کے بارے میں رپورٹ پیش کی گئی۔رپورٹ میں بتایا گیا کہ علی اینڈ کمپنی میں 60 لاکھ شیئرز علی عمران کی ملکیت ہیں ۔ علی ٹاور ایم ایم عالم روڈ پر 67 دکانیں اور دفاتر کے مالک بھی علی عمران ہیں۔علی اینڈ فاطمہ ڈیولپرز کے ایک کروڑ شیئرز میں سے 65 لاکھ شیئرز کے مالک ہیں۔مدینہ فوڈز پروسیڈ کے ایک کروڑ 75 لاکھ شیئرز میں سے ایک کروڑ 25 لاکھ شیئرز علی عمران کے ہیں۔رپورٹ میںبتایا گیا کہ ڈی ایچ اے میں 2 کینال کا رہائشی پلاٹ بھی شہباز شریف کے داماد کی ملکیت میں شامل ہے۔ علی پروسیڈ ڈیولپرز، غوث اعظم ڈیولپرز اور دیگر جائیداد میں بھی حصہ ہے۔اس کے علاوہ علی فوڈ پروسیڈ ڈویلپرز میں 50لاکھ شیئرز ہیں، جن میں علی عمران اور ان کی اہلیہ رابعہ برابر کے حصے دار ہیں۔ عدالت میں جمع کروائے گئے جواب میں بتایا کہ گلبرک 3 میں بلاک اے میں کروڑوں روپے مالیت کا پلاٹ اور مدینہ فیڈز مل بھی علی عمران یوسف کی ملکیت میں ہے۔