شاہ محمود کا گگلی والا بیان کس کیلئے تھا؟

اسلام آباد..وزیر خارجہ شاہ محمود قریشی نے کہا ہے کہ میرا گگلی والا بیان ہندوستانی حکومت کے ساتھ دوطرفہ تعلقات کے حوالے سے تھا۔کرتارپور راہداری کے فیصلے پر نیک نیتی سے عملدرآمد ہوگا ۔ ٹوئٹر پر بیان میں انہوں نے ہندوستانی وزیر خارجہ کے بیان کا جواب دیتے ہوئے کہا کہ میرا گگلی والا بیان ہندوستانی حکومت کے ساتھ دوطرفہ تعلقات کے بارے میں تھا۔ میرے تبصرے کو سکھوں کے جذبات سے جوڑنے کا مقصد جان بوجھ کر گمراہ کرنا ہے۔ سکھ برادری کے جذبات کا بے حد احترام کرتے ہیں۔ حقائق توڑ مروڑ کر پیش کرنے یا تنازعات پیداکرنے کی کوشش سے ان میں تبدیلی نہیں آسکتی ۔انہوں نے کہا کہ سکھ بھائیوں کی طویل عرصے سے خواہش کے پیش نظر کرتار پور راہداری کھولنے کا فیصلہ کیا۔ کرتار پور راہداری کھولنے کا تارےخی فیصلہ نیک نیتی سے کیا گیا۔ اس فیصلے پر اچھی نیت سے عملدرآمد ہوگا۔