کرسٹیانو رونالڈو نے 5ویں بار گلوب ساکر ایوارڈ جیت لیا

دبئی:اطالوی کلب جوونٹس کیلئے کھیلنے والے پرتگال کے اسٹار فٹبالر کرسٹیا نو رونالڈو نے سال کے بہترین فٹبالر کے طور 018 2ء کا گلوب ساکر ایوارڈ جیت لیا۔سعودی فٹبالر سامی الجابر کو عرب کیریئر ایوارڈ پیش کیا گیا ۔ رونالڈو نے پانچویں مرتبہ یہ ایوارڈ حاصل کیا۔ اس فٹبالر آف دی ایئر ایوارڈ کے لئے رونالڈو کا مقابلہ فرانس کے کھلاڑیوں کیلیان مباپے اور اینتون گریزمان سے تھا لیکن رونالڈو انہیں شکست دینے میں کامیاب رہے ۔ دبئی میں خصوصی تقریب کے دوران رونالڈو اور دیگر کھلاڑیوں اور کوچز کو ایوارڈز پیش کئے گئے ۔فرانس کو ورلڈ کپ میں فتح دلانے والے کوچ ڈیڈیئر ڈ ی چیمپس سال کے بہترین کوچ قرار پائے ۔ اس موقع پرکرسٹیا نو رونالڈو کا کہنا ہے کہ گلوب ساکر پلیئر آف دی ائیر کا ایوارڈ ان کے لیے اعزاز ہے جس پر وہ اپنے مداحوں، فیملی، دوستوں اور اسٹاف کا شکریہ ادا کرنا چاہتے ہیں کیونکہ ان کی مدد اور حمایت کے بغیر میرے لئے یہ کامیابی مشکل تھی۔

کھیلوں کی مزید خبریں اور تجزیئے پڑھنے کیلئے واٹس ایپ گروپ"اردو نیوزاسپورٹس"جوائن کریں