سہ ملکی کبڈی سیریز کا شیڈول تبدیل

لاہور : 3 ملکی کبڈی سیریز کے تحت پاکستان، ہند اور ایران کی ٹیموں کے درمیان انٹرنیشنل کبڈی سیریز 8 جنوری سے شروع ہو کر 14 جنوری تک پاکستان کے مختلف شہروں میں ہونا تھی۔سیریز کا پہلا میچ جھنگ میں شیڈول تھا تاہم وزارت داخلہ کی طرف سے اجازت نہ ملنے کی وجہ سے پاکستان اور ہند کی ٹیموں کے درمیان یہ میچ نہیں ہوسکا۔ اب دونوں ٹیمیں 10 جنوری کو بہاولپور میں ایک دوسرے کے بالمقابل ایکشن میں دکھائی دیں گی، اسی روز پاکستان گرین کا میچ ایران کے ساتھ ہوگا۔11 جنوری کو بھی سیریز کے مزید 2 میچز ساہیوال میں کھیلے جائیں گے، پاکستان گرین کا مقابلہ ہند جبکہ پاکستان وائٹ کا مقابلہ ایران کے ساتھ ہوگا۔ 13 جنوری کو سیریز کے سیمی فائنل اور فائنل مقابلے لاہور میں ہوں گے۔

کھیلوں کی مزید خبریں اور تجزیئے پڑھنے کیلئے واٹس ایپ گروپ"اردو نیوزاسپورٹس"جوائن کریں