اصغرخان کیس،فوجی افسران کیخلاف کارروائی کی تفصیلات طلب

  اسلام آباد...سپریم کورٹ نے اصغر خان کیس کا عبوری تحریری حکم نامہ جاری کر تے ہوئے سیکرٹری دفاع کو ذاتی حیثیت میں طلب کرلیا ۔ مقدمے کی سماعت سابق چیف جسٹس ثاقب نثار کی سربراہی میں 2 رکنی بنچ نے کی تھی۔فیصلہ میں کہاگیاکہ سیکرٹری دفاع بتائیں فوجی افسران کے خلاف کیا کارروائی کی۔ فیصلہ میں کہاگیاکہ ایف آئی اے کے دلائل سے مطمئن نہیں۔ ایف آئی اے کہتی ہے مقدمہ آگے بڑھانے کی کوئی وجہ نہیں۔ نامزد افراد کے خلاف کارروائی نہیں کی جا سکتی۔فیصلہ کے مطابق ہمارے خیال کے مطابق کچھ چیزوں سے متعلق تفتیش کی ضرورت ہے۔ ڈی جی ایف آئی اے نے کہا کہ مقدمے کی تفتیش کا دائرہ محدود ہے۔ فیصلہ میں کہاگیا کہ اس لئے مقدمہ بند کیا جائے۔ اصغر خان کے ورثاءکے وکیل نے کہا کہ سپریم کورٹ فیصلے میں کچھ چیزیں طے کر دی گئی ہیں۔ اس مقدمے میں نظر ثانی اپیل بھی خارج ہو چکی ۔ فیصلہ نے کہاکہ ایف آئی اے نے عدالتی فیصلہ پر پوری طرح تحقیق نہیں کی۔