اسلام آباد: سینیٹ میں وزرا کی مسلسل غیر حاضری کی وجہ سے چیئرمین سینیٹ صادق سنجرانی نے وزیر اعظم عمران خان سے جواب مانگ لیا۔ ذرائع کے مطابق چیئرمین صادق سنجرانی کی صدارت میں ہونے والے اجلاس کے دوران ایوان میں کورم پورا نہ ہونے کی نشاندہی کروائی گئی جبکہ وزیر مملکت برائے پارلیمانی امور علی محمد خان کی غیر حاضری پر اپوزیشن نے احتجاجاً ایوان سے واک آؤٹ کیا۔
چیئرمین سینیٹ صادق سنجرانی نے وزیر کی غیر حاضری پر ناپسندیدگی کا اظہار کیا اور کہا کہ وزیراعظم کو لکھیں کہ وزیر کیوں ایوان میں نہیں آتے ، وہ جواب دیں۔
