عرعر میں 5سعودیوں نے ہموطن کو کچل دیا

عرعر ۔۔۔۔ 5مقامی شہریوں نے جھگڑے کے بعد ایک نوجوان کوکار سے کچل کر ہلاک کردیا ۔ تفصیلات کے مطابق عرعر کے مشرقی پولیس اسٹیشن کو اجتماعی جھگڑے کی اطلاع ملی تھی۔ شمالی حدود ریجن میں پولیس ترجمان بریگیڈیئر عوید العنزی نے بتایا کہ نوجوانوں میں اجتماعی جھگڑا ہوگیا تھا۔ ان میں سے 5نے ایک کو کچل کر ہلاک کردیا۔ پولیس نے واردات میں استعمال ہونے والی گاڑی کو اپنے قبضے میں لے کر واردات کرنے والوں کو حراست میں لے لیا۔