ٓآئندہ سندھ میں بھی حکومت بنائیں گے ،عمر ایوب

  اسلام آباد...وفاقی وزیر توانائی عمر ایوب نے کہا ہے کہ آئندہ انتخابات میں پی ٹی آئی سندھ میں حکومت بنائے گی۔اتوار کو صحافیوں سے بات چیت کرتے ہوئے عمر ایوب نے کہا کہ پیپلز پارٹی اپنی ناقص کارکردگی سے سندھ تک محدودہوکر رہ گئی۔لیاری میں پی ٹی آئی امیدوارنے بلاول کوبدترین شکست دی۔انہوں نے کہا کہ عمران خان ملک سے کر پشن کا خاتمہ کر یں گے۔ کسی کو این آر او نہیں دینگے ۔ انہوں نے کہا کہ پی ٹی آئی کی حکومت آنے کے بعدسرمایہ کاروں نے پاکستان کارخ کرلیا۔پچھلے 6ماہ میں ملک میں ریکارڈ سطح پر سرما یہ آئی۔ وزیر اعظم عمران خان کے وژن کو دیکھتے ہو ئے بیرون ملک مقیم پا کستانی سرما یہ کا ر بھی واپس آرہے ہیں۔ غیر ملکی سرما یہ کا ر بھی پا کستان کا رخ کر رہے ہیں جس سے ملک میں روز گار بھی بڑھے گا اور معیشت بھی ٹھیک ہو جا ئےگی ۔ انہو ں نے کہا کہ 300 افسران کوبدترین کارکردگی پرفارغ کردیا۔بجلی چوری کے 18 ہزارسے زائد مقدمات درج کئے گئے۔1700سے زائدبجلی چوروں کوجیل بھیجا۔