لندن ...برطانوی میڈیا نے دعوی کیا ہے کہ وزیر اعظم تھریسامے اس سال موسم گرما میں مستعفی ہوجائیں گی تاہم برطانوی حکومت کے ترجمان نے ان خبروں کی تردید کرتے ہوئے وضاحت کی ہے کہ برطانوی وزیر اعظم تھریسامے مستعفی نہیں ہوں گی۔برطانوی میڈیا میں ایسی رپورٹیں شائع ہوئیں جن کے مطابق تھریسامے مبینہ طور پر بریگزٹ کے بعد وزارت عظمی سے مستعفی ہو جانے کا ارادہ رکھتی ہیں ۔ایک برطانوی اخبار نے یہ بھی دعوی کیا کہ برطانوی وزیر اعظم مستعفی ہونے کی تیاریاں کر رہی تھیں کہ اپنے جانشین کے انتخاب کے عمل پر اثر انداز ہو سکیں۔ واضح رہے کہ برطانیہ کو 29 مارچ تک یورپی یونین سے نکل جانا ہے۔ برطانوی وزیر خارجہ ہنٹ نے کہا ہے کہ اس سے پہلے بریگزٹ ڈیل کا طے پا جانا اب بھی ممکن ہے۔
