ابوظبی: اماراتی محکمہ شہری ہوا بازی نے کہا ہے متحدہ عرب امارات سے پاکستان جانے والی تمام پروازیں وقتی طور پر معطل کردی گئی ہیں۔ پاک وہند کشیدگی کے باعث پیدا ہونے والی صورتحال کے تناظر میں امارات کی تمام ایئرلائنز کی پاکستان جانے والی پروازیں نئی ہدایت ملنے تک معطل رہیں گی۔ دوسری طرف اتحاد ایئر لائن نے اعلامیہ جاری کرتے ہوئے کہا ہے کہ ابوظبی، اسلام آباد اور ابوظبی، لاہور جانے والی پروازیں معطل کردی گئی ہیں۔ اسی طرح پاکستان کی فضائی حدود بند ہونے سے کھٹمنڈو جانے والی پرواز واپس آرہی ہے۔اسی طرح کا اعلان فلائی دبئی اور امارات ایئر لائن نے بھی کیاہے جس میں کہا گیا کہ پاکستان سمیت افغانستان جانے والی پروازیں معطل کردی گئی ہیں۔ دوسری طرف بحرین نے بھی پاکستان کے تمام شہروں میں جانے والی پروازیں معطل کرنے کا اعلان کیا ہے۔
بناء على الاوضاع الراهنة التي تشهدها جمهورية باكستان الإسلامية، فقد قررت الهيئة العامة للطيران المدني تعليق جميع رحلات شركات الطيران المسجلة في دولة الامارات العربية المتحدة والمتجهة الى جمهورية باكستان الإسلامية وحتى اشعار اخر. pic.twitter.com/F7gF5Er6Qb
— GCAA UAE (@gcaauae) February 27, 2019
