پاکستان سمیت دنیا بھر میں آج ارتھ آور منایا جائے گا

اسلا م آباد: پاکستان سمیت 180 ممالک میں ہفتہ کو مقامی وقت کے مطابق رات ساڑھے 8 بجے سے رات ساڑھے 9 بجے تک ارتھ آور منایا جائے گا۔

 ارتھ آور کے دوران تمام اضافی لائٹس اور برقی آلات بند کردیئے جائیں گے تاکہ کرہ ارض کو ماحولیاتی آلودگی سے بچانے کے حوالے سے شعور اجاگر کیا جا سکے۔امسال ارتھ آور منانے کی تھیم کنیکٹ ٹو ارتھ رکھی گئی ہے۔ ارتھ آور کی مناسبت سے رات ساڑھے 8 بجتے ہی آسٹریلیا کے ہاربر برج اور اوپرا ہاؤس کی تمام غیر ضروری بتیاں بجھادی گئیں ۔ لندن میں بکنگھم پیلس، ٹاور برج اور دیگر اہم مقامات کی بھی غیر اہم روشنیاں گل کرکے گلوبل وارمنگ کا شعور اجاگر کیا جائے گا۔

پاکستان سمیت دنیا بھر میں آج ارتھ آور منایا جائے گا اسی طرح پیرس کا ایفل ٹاور، جاپان کا ٹوکیو ٹاور، چین کے شہر بیجنگ کا اولمپک اسٹیڈیم، تائیوان کا تائی پے ٹاور اور مصر میں اہرام کی غیر ضروری روشنیاں بھی بند کردی جائیں گی۔

ارتھ آور کو ورلڈ وائڈ فنڈ (ڈبلیو ڈبلیو ایف) کی جانب سے 2007 ء میں متعارف کروایا گیا تھا جس کے بعد اسے ہر سال 30مارچ کو منایا جاتا ہے۔

اس کا مقصد ماحولیاتی تحفظ اور آلودگی کے خاتمہ کے لئے لوگوں میں شعور اجاگر کرنا ہے۔