’’ہندوستانی طیاروں کا ملبہ زمین پر سب نے دیکھا‘‘

  راولپنڈی ...پاک فوج کے ترجمان نے نے کہا ہے کہ بار بار جھوٹ بولنے سے سچ وہ نہیں ہو جاتا۔پاکستان کا ایف 16 طیارہ گرانے اور ثبوت کی موجودگی کا دعویٰ کرنے کے باوجود ہندوستانی فضائیہ کوئی ثبوت پیش نہیں کرسکی۔

ڈی جی آئی ایس پی آر میجر جنرل آصف غفور نے ٹوئٹر پر بیان میں کہا کہ پاکستان نے ہندوستانی فضائیہ کے نقصان پر بھی ڈھول نہیں بجائے۔خاموشی کو نظر انداز نہ کیا جائے۔

Repetitions don’t make truth of a lie. Despite claiming possession of evidence on shooting F16, IAF still short of presenting it. Don’t overlook Pakistan’s silence for not drum beating losses on Indian side. Fact is that PAF shot down two IAF jets, wreckage seen on ground by all.

— Maj Gen Asif Ghafoor (@OfficialDGISPR) April 8, 2019

ترجمان نے کہا کہ حقیقت یہ ہے پاک ففائیہ نے 2 ہندوستانی طیارے گرائے اور زمین پر ملبہ سب نے دیکھا۔

  واضح رہے کہ ہندوستانی ائیر فورس کے وائس مارشل آر جی کے کپور نے پیر کو پریس کانفرنس کرتے ہوئے کہا کہ پاکستانی فضائیہ کے ایف 16 طیارے کو مار گرانے کے ناقابل تردید ثبوت موجود ہیں۔

ہندوستانی ائیر فورس کا یہ دعویٰ چند دن قبل امریکی جریدے میں چھپنے والی خبر کے برعکس ہے، جس میں امریکی محکمہ دفاع کے اہلکار کے حوالے سے کہا گیا تھا کہ امریکہ نے پاکستان کو د ئیے گئے ایف سولہ طیاروں کی تصدیق کرائی ہے جس سے معلوم ہوا ہے کہ فروری میں ہونے والے تنازعے میں انڈیا نے پاکستان کا کوئی ایف سولہ طیارہ نہیں مار گرایا تھا۔

پریس کانفرنس کے دوران ائیروائس مارشل کپور نے راڈار سے حاصل کردہ تصاویر بھی میڈیا کے سامنے رکھیں جن میں ان کے مطابق پائلٹ ابھینندن کے پاکستانی طیارے کے ساتھ مقابلے کے مناظر نمایاں ہیں۔