وزیراعظم عمران خان کی جانب سے ایک جلسے کے دوران پیپلز پارٹی کے چیئرمین بلاول بھٹوزرداری کو ’صاحبہ‘ کہہ کر پکارنے پر ایک مرتبہ پھر سماجی رابطوں کی ویب سائٹس پر ان پر شدید تنقید کی جا رہی ہے۔
بدھ کوجنوبی وزیرستان صدر مقام وانا کے مقام پر ایک جلسہ عام سے خطاب کرتے ہوئے عمران خان کا کہنا تھا ’میں بلاول بھٹو صاحبہ کی طرح میں کوئی کاغذ کی پرچی پر نہیں آیا تھا کہ جی مجھے والدہ نے جائیداد میں پارٹی دے دی ہے۔میں محنت کرکے آگے آیا تھا۔‘
عمران خان کی تقریر کے بعد سوشل میڈیا صارفین کے علاوہ سیاسی رہنماؤں اورزندگی کے مختلف شعبوں سے تعلق رکھنے والے افراد سخت تنقید کا نشانہ بنایا۔کچھ سوشل میڈیاصارفین یہ سوال بھی اٹھا رہے ہیں کہ کیا اس دفعہ بھی عمران خان کی ’زبان پھسل‘ گئی ہے یا انہوں نے یہ بات جان بوجھ کر کہی ہے۔
وزیراعظم کے بیان کے بعد ٹوئیٹر پر ہیش ٹیگ ’بلاول صاحبہ‘، ’صاحبہ‘ اور عمران خان کے نام سے ٹرینڈ گردش کر رہے ہیں جن میں عمران خان کے خلاف اور ان کی حمایت میں ٹویٹس کی جا رہی ہیں۔
بلاول بھٹونے عمران خان کے بیان کے ردعمل میں ایک ٹویٹ کی جس میںمیں لکھا تھا ’ پی ایم سلیکٹ بڑی جگہ پر چھوٹے لوگ کیسا رہے گا؟‘
What was that about small men in big offices? #PMSelect
— BilawalBhuttoZardari (@BBhuttoZardari) April 24, 2019
مسلم لیگ کے صدر شہباز شریف نے ایک ٹویٹ میں لکھا ’سلیکٹڈ وزیراعظم اس منصب کے ہی اہل نہیں، الفاظ شرمناک ہیں، آج کا دن پاکستان کے لیے افسوسناک دن ہے۔‘
This is beyond words. It's Shameful. Unbecoming. Reprehensible. The selected PM is clearly unfit for the job. Sad day for Pakistan! https://t.co/9PdY9d8KrK
— Shehbaz Sharif (@CMShehbaz) April 24, 2019
صحافی عاصمہ شیرازی نے ایک ٹویٹ میںلکھا ’وزیراعظم کا بلاول بھٹو کو صاحبہ کہنا قابل افسوس اور جنسی تعصب پر مبنی ہے۔ہم اس طرح کے الفاظ کی کسی سے توقع نہیں کرتے اوروزیراعظم سے تو بالکل بھی نہیں۔‘
Poor and misogynist statement by pm against @BBhuttoZardari calling him sahiba . We don’t expect this kind of language from anyone and off course PM
— Asma Shirazi (@asmashirazi) April 24, 2019
مسلم لیگ نواز کی رہنما مریم نواز نے عاصمہ شیرازی کی ٹویٹ کے جواب میں لکھا ’مکمل طورپر نفرت انگیزاور معیوب ‘ بیان ہے۔
Absolutely disgusting. Odious. https://t.co/Xe5KIJ7rPw
— Maryam Nawaz Sharif (@MaryamNSharif) April 24, 2019
وزیراعظم عمران خان پر کی جانے والی تنقید کے جواب میں پی ٹی آئی کے کارکن پیپلز پارٹی کے اپنے رہنماؤںکی ماضی میں کی گئی تقاریر کو پوسٹ کر رہے ہیں جن میں سابق صدر آصف زرداری ، خورشید شاہ اور نثار کھوڑو بظاہر زبان کی لغزش کی وجہ سے بلاول بھٹو کے لیے ثانیت کا صیغہ استعمال کرتے نظر آتے ہیں۔
سوشل میڈیا پر جاری بحث میں امریکی کامیڈین جیریمی میکلیلن بھی کسی سے پیچھے نہیں رہے ہیں اور انہوں نے ٹویٹ میں لکھا ہے کہ ’صاحبہ کا مطلب جینٹلمین ہوتا ہے اوریہ زبان صرف جاپان اور جرمنی کی سرحد پر بولی جاتی ہے۔‘
“Sahiba” can also mean “Gentleman.” It’s a dialect of Urdu spoken only on the Japanese-German border.
— Jeremy McLellan Sahiba (@JeremyMcLellan) April 24, 2019
جیریمی میکلیلن نے ٹوئٹر پر اپنا نام ’جیریمی میکلیلن صاحبہ‘ رکھ لیا ہے۔ جیریمی میکلیلن نے عمران خان کی جانب سے بلاول بھٹو زرداری کو صاحبہ پکارنے کو ’زبان کا پھسلنا‘ قرار دیا۔
Imran Khan saying "Bilawal Bhutto Sahiba" was obviously a slip of the tongue. People will criticize her for anything. Leave my mother alone.
— Jeremy McLellan Sahiba (@JeremyMcLellan) April 24, 2019
