امریکی ریاست کیلیفورنیا کی سین ڈیاگو کاؤنٹی کے محکمہ پولیس نےیہودیوں کی عبادت گاہ پر فائرنگ کے واقعہ میں19سالہ نوجوان کو گرفتار کیا ہے۔
یہ واقعہ ریاست کیلیفورنیا میں پووے کے علاقے میں سنیچر کی صبح کو پیش آیا جب یہودی عبادت گاہ میں مذہبی تہوار ’پاس اور کے آخری روز کی تقریب جاری تھی۔
سین ڈیاگو کاؤنٹی کے شیرف بل گور کی جانب سے جاری کردہ بیان کے مطابقفائرنگ کرنے والے 19 سالہ نوجوان کو حراست میں لے لیا گیا ہے، جن کا نام جون آرنسٹ بتایا گیا ہے۔
پولیس بیان کے مطابق فائرنگ سے ایک 60 سالہ خاتون ہلاک ہوئی ہیں۔ جبکہ زخمیوں میں یہودیوں کے مذہبی پیشوا، ایک لڑکی اور ایک 34 سالہ مرد شامل ہیں۔
شیرف بل گورکا کہنا ہے کہ ملزم کا کوئی کرمنل ریکارڈ موجود نہیں ہے، تاہم ملزم کی سوشل میڈیا پر سرگرمیوں کا جائزہ لیا جا رہا ہے۔
ان کا کہنا تھا کہ ملزم نے حملے سے کچھ گھنٹے قبل یہود مخالف خط سوشل میڈیا پر جاری کیا تھا۔
سین ڈیاگو کے شمال میں واقع پووے کے ٹاؤن میں واقع یہودی عبادت خانے پر حملہ ٹھیک چھ مہینے بعد ہوا جب ایک سفید نسل پرست نے پیٹرزبرگ کے یہودی عبادت خانے میں فائرنگ کرکے 11 افراد کو ہلاک کیا تھا۔
خبررساں ایجنسی اے ایف پی کے مطابق جون آرنسٹ کا حملے سے پہلے سوشل میڈیا پر پوسٹ کیا گیا منشور نیوزی لینڈ کے شہر کرائسٹ چرچ کی مساجد پر حملہ کرنے والے سفید نسل پرست کے منشور جیسا ہے۔
واقعے پر ردعمل
امریکی صدر ڈونلڈ ٹرمپ نے ویسکونسین ریاست میں ریلی سے خطاب کرتے ہوئے کیلفورنیا حملے کی سخت مذمت کرتے ہوئے اسے ’نفرت انگیز جرم‘ قراردیا۔
صدر ٹرمپ نے متاثرین سے ہمدردی کا اظہارکرتے ہوئے کہا ’آج کی رات امریکیوں کے دل کیلیفورنیا کے یہودی عبادت خانے میں ہونے والے فائرنگ کے متاثرین کے ساتھ ہیں۔‘
انہوں نے ٹویٹ میںفائرنگ واقعے میں ملوث شخص کی فوریگرفتاری پرقانون نافذ کرنے والے اہلکاروں کو سراہا ۔
Thoughts and prayers to all of those affected by the shooting at the Synagogue in Poway, California. God bless you all. Suspect apprehended. Law enforcement did outstanding job. Thank you!
— Donald J. Trump (@realDonaldTrump) April 27, 2019
امریکی نائب صدر مائیک پینس نے واقعے کی مذمت کرتے ہوئے اسے ’شیطانی اور بزدلانہ‘ فعل قرار دیا ہے۔
We condemn in the strongest terms the evil & cowardly shooting at Chabad of Poway today as Jewish families celebrated Passover. No one should be in fear in a house of worship. Antisemitism isn’t just wrong - it’s evil. https://t.co/hkLOCf0anp
— Vice President Mike Pence (@VP) April 27, 2019
کیلیفورنیا کے گورنر گیون نیوسم نے بھی حملے کی مذمت کرتے ہوئے کہا کہ کسی بھی کمیونٹی کے خلاف نفرت پر آواز اٹھانی چاہیے۔
Appreciated the call from @realDonaldTrump.
Working with state, local, and federal officials on today’s horrific shooting at the Chabad of Poway synagogue.
We all must call out hate — against any and all communities — wherever it lives.
— Gavin Newsom (@GavinNewsom) April 28, 2019
