ابو ظبی میں انتہائی رفتار80 کلومیٹر فی گھنٹہ

ابوظبی پولیس کے مطابق ابوظبی۔ دبئی روڈ، ابوظبی۔ العین روڈ او ر العین۔ دبئی روڈ پر انتہائی رفتار کم کرکے 80 کلو میٹر فی گھنٹہ کردی گئی ہے۔ فیصلے پر عمل درآمد شروع کردیا گیا۔
الامارات الیوم کے مطابق ابوظبی پولیس نے ٹوئٹر پر بتایا کہ انتہائی رفتار 80 کلو میٹر فی گھنٹہ کم کرنے کی وجہ احتیاطی تدبیر ہے۔ 

بیان میں کہا گیا کہ بارش کے موسم اور مطلع ابر آلود ہونے کی صورت میں ڈرائیوروں کی سالمیت کا تقاضا ہے کہ وہ 80 کلو میٹر فی گھنٹے سے زیادہ گاڑی ڈرائیو نہ کریں۔
 یہ بھی ہدایت کی گئی ہے کہ ہر ڈرائیور دوسری گاڑی سے مناسب فاصلہ رکھ کر چلے۔ خراب موسمی حالات میں اس بات کا لحاظ بہت زیادہ کیا جائے۔
 حالیہ ایام میں بیشتر حادثات گاڑیو ں کے درمیان مناسب فاصلہ نہ ہونے کی وجہ سے پیش آئے ہیں۔