متاثرین کی تعداد بڑھ کر 3 لاکھ 14 ہزار 821 تک پہنچ گئی ہے۔(فوٹو سبق)
سعودی عرب میں کورونا کے یومیہ کیسز میں کمی کا سلسلہ جاری ہے۔ اتوار 30 اگست کو بھی ایک ہزار سے کم نئے کیسز سامنے آنے ہیں۔
سعودی وزارت صحت نے کہا ہے کہ اتوار کو 910 نئے مریضوں کی تصدیق ہوئی ہے۔ گزشتہ روز 987 نئے کیسز سامنے آئے تھے۔ متاثرین کی تعداد بڑھ کر 3 لاکھ 14 ہزار 821 تک پہنچ گئی ہے۔
سبق نیوز نے وزارت صحت کی جانب سے جاری اعداد و شمار کے حوالے سے بتایا کہ پچھلے 24 گھنٹے میں ایک ہزار 38 افراد صحت یاب ہوئے ہیں۔ اب تک دو لاکھ 89 ہزار 667 افراد اس مرض سے شفایاب ہو چکے ہیں۔
پچھلے 24 گھنٹے میں ایک ہزار 38 افراد صحت یاب ہوئے ہیں۔(فوٹو ایس پی اے)
وزارت صحت کا کہنا ہے کہ گذشتہ روز 30 افراد اس مرض سے ہلاک ہوئے۔ اس طرح اموات کی مجموعی تعداد تین ہزار 870 ہو چکی ہے۔
مملکت میں اس وقت ایکٹیو کیسز کی تعداد 21 ہزار 284 ہے جن میں سے ایک ہزار 545 مریض انتہائی نگہداشت یونٹ میں زیرعلاج ہیں۔
مملکت کے مختلف شہروں میں گذشتہ 24 گھنٹوں کے دوران کورونا وائرس کے نئے کیسز کی سب سے زیادہ تعداد اتوار کو مکہ میں رہی جہاں 68 نئے مریض سامنے آنے ہیں۔
جدہ میں 64، ریاض 45،مدینہ منورہ 41، تبوک 39، جازان 36، الھفوف 30، ینبع 30، طائف 28،ابو عریش 25، دمام 20، صبیا 18، بریدہ 17،حائل 17، الممبرز 16، حفر الباطن 14، القنفدہ 13 اور القطیف میں 11 کیسز کا پتا چلا ہے۔
اس وقت ایکٹیو کیسز کی تعداد 21 ہزار 284 ہے(فوٹو ایس پی اے)
اعداد و شمار کے مطابق 20 شہروں میں مریضوں کی تعداد ایک، ایک، 11 شہروں میں 2، 2 اور 11 شہروں میں 3 ،3 جبکہ 6 شہروں میں 4،4 افراد میں کورونا وائرس کی تصدیق ہوئی ہے۔
وزارت صحت کا کہنا ہے کہ کورونا وائرس سے بچاؤ کے لیے سماجی فاصلے کے اصول پرعمل کیا جائے۔ گھر سے باہر جاتے وقت ماسک لازمی طور پر استعمال کریں۔
ترجمان کا کہنا ہے کہ کورونا کیسز میں کمی کی وجہ یہ ہے کہ مقامی شہری اور مقیم غیرملکیوں میں نئے کورونا وائرس سے بچاؤ کے لیے مقرر حفاظتی تدابیر کی پابندی بہتر ہوئی ہے۔ زیادہ تر لوگ حفاظتی ماسک پہننے اور سماجی فاصلے کی پابندی کر رہے ہیں- وزارت صحت سمیت مملکت کے دیگر ادارے وائرس کو قابو کرنے کے لیے مصروف ہیں۔
