خادم حرمین شریفین شاہ سلمان بن عبدالعزیز آل سعود نے کہا ہے کہ سعودی عرب اسرائیل کی یروشلم میں کارروائیوں اور اسرائیلی افواج کے مسجد اقصیٰ میں تشدد کے اقدامات کی مذمت کرتا ہے۔
سعودی خبررساں ایجنسی ’ایس پی اے‘ کے مطابق خادم حرمین شریفین شاہ سلمان بن عبدالعزیز آل سعود نے پاکستان کے وزیراعظم عمران خان سے ٹیلی فون پر بات چیت کے دوران یہ بات کہی ہے۔
ایس پی اے کے مطابق ٹیلی فونک رابطے میں یروشلم میں اسرائیلی حملوں کے حوالے سے تبادلہ خیال کیا گیا۔
شاہ سلمان بن عبدالعزیز آل سعود نے کہا کہ سعودی عرب فلسطینی عوام کی جانب سے اپنے حقوق کےحصول کے لیے کی جانے والی کوششوں پر ان کے ساتھ کھڑا ہے۔
ٹیلی فون پر بات چیت وزیراعظم پاکستان عمران خان نے خادم حرمین شریفین شاہ سلمان بن عبدالعزیز آل سعود کو ٹیلی فون پر عید الفطر کی مبارک باد پیش کی۔ شاہ سلمان نے وزیراعظم کا شکریہ ادا کیا۔
ٹیلی فون پر بات چیت میں دونوں ممالک کے ممتاز تعلقات، خطے کی تازہ ترین صورتحال اور بین الاقوامی صورتحال پر تبادلہ خیال کیا۔
