سعودی عرب سے جارجیا کے لیے ہفتے میں 21 پروازیں
2019 میں 75 ہزار سے زیادہ سعودی سیاح جارجیا پہنچے تھے۔( فائل فوٹو ایس پی اے)
سعودی عرب میں متعین جارجیا کے سفیر نےکہا ہے کہ مملکت سے ہر ہفتے 21 پروازیں ہمارے یہاں پہنچ رہی ہیں۔ سعودی سیاحوں میں ایک بھی کورونا کا مریض نہیں نکلا۔
سبق ویب سائٹ کے مطابق جارجیا کے سفیر نے کہا کہ جارجیا میں سیاحتی مراکز موجود ہیں۔ وبا سے قبل 2019 میں 75 ہزار سے زیادہ سعودی سیاح یہاں آئے تھے۔
انہوں نے امید ظاہر کی کہ سعودی شہریوں کو بیرون ملک سفر کی مزید سہولتیں حاصل ہوں گی اور وہ ہمارے یہاں زیادہ سے زیادہ تعداد میں آئیں۔
جارجیا کے سفیر نے سعودی سیاحوں کا خیر مقدم کرتے ہوئے کہا کہ جارجیا یورپی ممالک میں کورونا وائرس سے سب سے کم متاثر ہوا ہے۔
کورونا وبا کو پھیلنے سے روکنے کے لیے سخت اقدامات کیے گئے تھے۔ سیاحوں کے لیے سرحدیں کھولنے کے باوجود مسافروں اور شہریوں کی صحت و سلامتی کے لیے وائرس سے بچاؤ کے اقدامات جاری ہیں۔ جارجیا میں مصدقہ متاثرین کی تعداد یومیہ دو سو سے بھی کم ہے۔
مصری سیاحت کے فروغ کے لیے سعودی عرب میں مارکیٹنگNode ID: 573926
داخلی سیاحتی پیکیج غیر ملکی ٹور سے پچاس فیصد مہنگے کیوں؟Node ID: 575391
