سعودی عرب میں گورنر قصیم شہزادہ فیصل بن مشعل بن سعود بن عبدالعزیز سے بدھ کو ان کے دفتر میں مملکت میں متعین سفیر لیفٹننٹ جنرل ( ریٹائرڈ) پاکستان بلال اکبر نے ملاقات کی ہے۔
سرکاری خبر رساں ایجنسی ایس پی اے کے مطابق اس موقع پر انہوں نے دوستانہ ماحول میں بات چیت کی اور باہمی دلچسپی کے امور پر تبادلہ خیال کیا۔
ملاقات میں باہمی دلچسپی کے امور پر تبادلہ خیال کیا گیا۔( فوٹو ایس پی اے)
گورنر قصیم نے اس موقع پر کہا کہ کہا کہ سعودی عرب مختلف ملکوں کے ساتھ تعاون اور شراکت کے رشتے مضبوط بنانے کا خواہش مند ہے۔
خیال رہے کہ ان دنوں سفیر پاکستان مملکت میں موجود پاکستانی شہریوں کے حوالے سے سعودی عرب کے اہم عہدیداروں سے ملاقاتیں کرکے دونوں ملکوں کے درمیان تاریخی اور روایتی تعلقات کو مزید مضبوط بنانے کے طریقوں پر تبادلہ خیال کررہے ہیں۔
