پورٹ آف اسپین...پاکستانی لیگ اسپینر شاداب خان نے کہا ہے کہ جانتا ہوں کہ میری گگلی مقبول ہورہی ہے لیکن صرف یہ ایک نہیں ہے۔ ایک انٹرویو میں انہوں نے کہا کہ لیگ اسپن اور فلیپر پر سخت محنت کرتا ہوں اور تینوں گیندوں کو آزمانے کے لئے اپنی بہترین کوشش کروں گا۔شاداب خان نے پی ایس ایل میں بہترین کارکردگی دکھائی تھی جس کے بعد انہیں ویسٹ انڈیز کے خلاف سیریز کے لئے قومی ٹیم میں شامل کیا گیا۔شاداب خان نے کہا کہ مزید سخت محنت کر کے بین الاقوامی کرکٹ میں مزید کامیابیاں حاصل کروں گا۔ انہوں نے کہا کہ کلب کرکٹ شروع کی تو تیز بولنگ کرتا تھا لیکن کلب کے صدر نے مجھے لیگ اسپن بولنگ شروع کرنے کوکہا اور میں نے اس آرٹ پر سخت محنت شروع کردی۔
