گڑ گاوں .. نئی دہلی سے متصل اور ریاست ہریانہ کے سیٹلائٹ ضلع گڑ گاوں میں بینک کی 2خاتون ملازمین نے ڈکیتی کو ناکام بنا دیا ۔ پولیس نے دونوں خواتین کو ریاستی حکومت سے ایوارڈ دینے کی سفارش کی ہے ۔ پولیس نے بتایا کہ یہ واقعہ ضلع کے بادشاہ پور میں واقع اسٹیٹ بینک آف انڈیا کی برانچ میں پیش آیا جہاں 2بد معاش بینک میں داخل ہو ئے دونوں خواتین سے ملاقات کے نام پر ان کے کمرے میں گھس گئے ۔ اسکے بعد کمرے کو اندر سے بند کر لیا ۔ پستول دکھا کر دونوں کو یرغمال بنالیا ۔ خاتون نے جیسے ہی موقع ملا ایک بدمعاش کے ہاتھ سے پستول چھین لیا ۔یہی نہیں بلکہ ا سے پکڑ کر زمین پر بھی گرا دیا۔دوسرا بد معاش ہکا بکا رہ گیا جس کا فائدہ دوسری خاتون ملازم نے اٹھایا اور اس کے ہاتھ سے بھی پستول چھین لیا ۔خاتون ملازم نے خطرے کی گھنٹی بجا دی ۔
