کورونا کے 363 نئے کیسز کی تصدیق

سعودی وزارت صحت کا کہنا ہے کہ مملکت میں کورونا وائرس کے کیسزمیں کمی کا سلسلہ جاری ہے۔ جمعہ کے روز کورونا کے 363 نئے کیسز کی تصدیق ہوئی۔

سبق نیوز نے وزارت صحت کی جانب سے جاری اعداد وشمار کے حوالے سے مزید کہا ہے کہ نئے کیسز کی سامنے آنے سے اب تک مملکت میں کورونا کے مجموعی مریضوں کی تعداد 7 لاکھ 46 ہزار 836 تک پہنچ گئی ہے۔

گزشتہ 24 گھنٹے کے دوران کورونا سے 559 افراد شفایاب ہونے کے بعد اب تک 7 لاکھ 26 ہزار 351 افراد کووڈ19 سے صحتیاب ہوچکے ہیں۔

کورونا سے ایک شخص کے ہلاک ہونے کی تصدیق ہوئی ہے ۔

وزارت صحت کا مزید کہنا ہے کہ مملکت کے مختلف ریجنز میں کورونا کے زیرعلاج مریضوں میں سے 461 کی حالت نازک ہے جنہیں انتہائی نگہداشت کے یونٹ میں رکھا گیا ہے۔

احتیاطی تدابیر کے حوالے سے وزارت صحت کا کہنا ہے کہ کورونا سے بچاوکے لیے ویکسین کی تمام خوراکیں لگوانا ضروری ہے وہ افراد جنہیں ویکسین کی دوسری خوراک لگائے 8 ماہ سے زیادہ کا عرصہ گزرچکا ہے وہ تیسری خوراک لگوالیں۔

خیال رہے سعودی عرب میں کورونا سے بچاو کےلیے شہریوں اور غیر ملکیوں کو مفت کورونا ویکسین لگائی جاتی ہے جس کے لیے توکلنا یا صحتی ایپ پرپیشگی وقت حاصل کرنا ضروری ہے