جدہ:گرد وغبار کی وجہ سے پروازیں متاثر نہیں ہوئیں

جدہ(اسٹاف رپورٹر)جدہ بین الاقوامی ائیرپور ٹ کے ترجمان ترکی الذیب نے اردو نیوز کوبتایاکہ گردو غبار کا اثر پروازوں پر نہیں پڑا ۔ موسم کی وجہ سے کوئی پرواز متاثر نہیں ہوئی ۔ تمام فلائیٹں اپنے وقت پر روانہ ہوئیں جبکہ آنے والی پروازیں بھی مقررہ پروگرام کے مطابق پہنچیں ۔ الذیب نے مزید بتایا کہ ائیرپور ٹ پر صفائی کیلئے اضافی عملہ بھی موجود ہے تاکہ مسافروں کو کسی قسم کی دشواری کا سامنا نہ کرنا پڑے ۔ دوسری جانب عکاظ اخبار سے جدہ کی اسلامی بندرگاہ کے ڈائریکٹر کیپٹن عبداللہ الزمعی نے گفتگوکرتے ہوئے کہا کہ تیز ہواکی وجہ سے بندر گاہ پر جہازوں کو آنے سے روک دیا گیا ۔ منگل اور بدھ کی درمیانی شب ہوا کی رفتار 30 ناٹ فی گھنٹہ رہی جس کی وجہ سے بندر گاہ پر کام متاثرہوا۔