سعودی عرب نے اس یقین کا اظہارکیا ہے کہ ’پوری دنیا کے روشن مستقبل کے لیے سازگار حالات پیدا کرنا ہوں گے‘۔
شاہ سلمان بن عبدالعزیز کی صدارت میں کابینہ کے اجلاس نے مالیاتی ٹیکنالوجی کی حکمت عملی کی بھی منظوری دی ہے۔
سرکاری خبررساں ایجنسی ایس پی اے کے مطابق جدہ کے قصرالسلام میں اجلاس کے دوران کابینہ نے بین الاقوامی خوراک کانفرنس میں پیش کردہ موقف کا اعادہ کرتے ہوئے کہا کہ ’مشرق وسطی سمیت پوری دنیا کے روشن مستقبل کے لیے سازگار حالات فراہم کرنا ہوں گے‘۔
اجلاس میں کہا گیا کہ ’اس حوالے سے اقوام عالم کی امنگیں اسی وقت پوری ہوں گی جب ترقیاتی عمل میں معاون حالات مہیا ہوں گے۔ ماحولیاتی چیلنجوں کا مقابلہ کرنا ہوگا۔ ترقی پذیر ممالک کی مدد میں انسانیت نواز کردار جاری رکھنا ہوگا۔ غربت اور فاقے کو قابو کرنے کے لیے خوراک کے بہترت انتظامات کرنا ہوں گے‘۔
شاہ سلمان بن عبدالعزیز نے گزشتہ دنوں متعدد ملکوں کے ساتھ مذاکرات اور مشاورت کے نتائج سے کابینہ کو آگاہ کیا۔
قائم مقام وزیر اطلاعات ڈاکٹر ماجد القصبی نے اجلاس کے بعد ایس پی اے کو بتایا کہ’ امریکہ اور سعودی عرب کی وزارت دفاع کے درمیان مشترکہ سٹراٹیجک منصوبہ بندی نیزسعودی عرب اور الجزائر کے درمیان سیاسی مشاورت اور خطے سمیت دنیا بھر میں امن و استحکام مضبوط کرنے کے لیے باہمی تعاون اور یکجہتی کے فروغ جیسے موضوعات کا جائزہ پیش کیا گیا‘۔
#فيديو_واس | #خادم_الحرمين_الشريفين يرأس الجلسة التي عقدها #مجلس_الوزراء في قصر السلام بجدة.#واس pic.twitter.com/nIpQwKuy5p
— واس الأخبار الملكية (@spagov) May 24, 2022
