اسلام آباد...سابق صدرپرویزمشرف نے کہا ہے کہ ہندوستانیوں کے مقابلے میں پاکستانی عوام زیادہ روشن خیال اور ترقی پسندہیں۔ اسی لئے مذہبی جماعتیں پاکستان میں حکومت بنانے کی پوزیشن میں نہیں آتیں جبکہ ہندمیں اس وقت بھی انتہاپسند جماعت کی حکومت ہے۔ ہندوستانی ٹی وی کوانٹرویودیتے ہوئے انہوں نے کہاکہ پاکستان میں تیسری سیاسی قوت کی ضرورت ہے۔وطن واپسی کاارادہ ظاہرکرتے ہوئے پرویزمشرف نے امید ظاہرکی کہ فوج ان کی مدد کرے گی۔ مشرف نے کہاکہ ہندوستانی وزیر اعظم مودی پاکستان مخالف اقدامات کررہے ہیں۔ وہ پاک، ہند تنازعات حل ہی نہیں کرنا چاہتے جبکہ بڑے ملک کی حیثیت سے پہل ہند کو ہی کرنا ہو گی ۔
