ڈاکٹر آلاء ظہیر قضيب البان انٹیرئیر ڈیزائننگ شعبہ کی سربراہ
ڈاکٹر آلاء ظہیر قضيب البان انٹیرئیر ڈیزائننگ شعبہ کی سربراہ
اتوار 11 ستمبر 2022 16:52
امریکہ کی یونیورسٹی آف کولوراڈو سے پلاننگ اینڈ ڈیزائننگ میں پی ایچ ڈی ہیں۔ فوٹو عرب نیوز
ڈاکٹرآلاء ظہیر قضيب البان جدہ میں دارالحکمہ یونیورسٹی میں اسسٹنٹ پروفیسراور انٹیرئیر ڈیزائننگ شعبہ کی سربراہ ہیں۔
عرب نیوز کے مطابق ڈاکٹر آلاء سعودی عرب میں انٹیرئیر ڈیزائننگ،آرکیٹکچر اور پلاننگ کے متعدد شعبوں میں مشیر اور ماہر کے طور پر ان کا ایک وسیع تجربہ ہے۔
کیلیفورنیا سے ڈیزائننگ میں ماسٹر آف فائن آرٹس کی ڈگری حاصل کی۔ فوٹو ٹوئٹر
دار الحکمہ یونیورسٹی کے سکول آف ڈیزائن اینڈ آرکیٹیکچر میں ڈاکٹر آلاء سال 2020 تا2021 بطور ڈین بھی تیعنات رہی ہیں۔
دارالحکمہ یونیورسٹی میں اپنی ذمہ داریاں نبھانے سے قبل ڈاکٹرآلاء نے معروف تعمیراتی کمپنی کے انٹیرئیر ڈیزائننگ کے شعبے کی سربراہ کے طور پر نو سال تک خدمات انجام دی ہیں۔
امریکہ کی یونیورسٹی آف کولوراڈو میں انہوں نے پلاننگ اینڈ ڈیزائننگ کے شعبے میں تین سال کے ریکارڈ وقت میں پی ایچ ڈی کی ڈگری حاصل کی۔
انٹیرئیر ڈیزائننگ میں ماہر کے طور پر ان کا وسیع تجربہ ہے۔ فوٹو ٹوئٹر
کیلیفورنیا کالج آف دی آرٹس سے ڈاکٹر آلاء کو 2010 میں ڈیزائننگ میں ماسٹر آف فائن آرٹس کی ڈگری سے نوازا گیا۔
ابتدائی طور پر انہوں نے دار الحکمہ یونیورسٹی سے ہی انٹیرئیر ڈیزائننگ میں بیچلر کی ڈگری حاصل کی۔ ان کی دیگر کامیابیوں میں2011 اور 2019 میں شاندار کارکردگی پر دارالحکمہ ایوارڈ حاصل کرنا شامل ہے۔
ڈاکٹر آلاء نے2021 میں جدہ ایوارڈ برائے تخلیقی صلاحیت اور 2019 میں متحدہ عرب امارات کی امریکن یونیورسٹی آف شارجہ کے لیے جیوری ممبر کے طور پر بھی خدمات انجام دی ہیں۔
