ممبئی۔۔۔۔اداکارہ پرینکا چوپڑہ اپنی ہالی وڈ کی پہلی فلم ’’بے واچ‘‘کی پرموشن کیلئے آج کل ہند آئی ہوئی ہیں جہاں ہالی ووڈ کے اداکار دیوان جانسن اور زیک ایفرون بھی ان کے ہمراہ نظر آئیں گے۔ایک انٹرویومیں پرینکا سے اکشے کمار کو دیئے جانے والے نیشنل ایوارڈ پر ہونیوالی نکتہ چینی کے بارے میں پوچھا گیا تو انہوں نے سوال کا جواب دینے سے گریز کیا اور کہا کہ ’’میں تو امریکہ میں تھی مجھے کچھ نہیں پتہ میں تو صرف یہ جانتی ہوں کہ میں نے 3ایوارڈ جیتے‘‘۔ان سے رنگ گورا کرنیوالی کریموں پر ہونیوالے بحث و مباحثے کے بارے میں سوال کیا گیا تو پرینکا کہنا تھا کہ میں برسوں پہلے ہی رنگ گورا کرنے والی کریم کی توثیق کرچکی ہوں لیکن اس کے بعد میں نے ایسے کسی اشتہار میں کام نہیں کیا۔
