طائف..... طائف پولیس کو ظلم تحصیل کے قریب ریگستان میں ایک مقامی شہری کی لاش ملی ہے۔ اسکے قاتل نے خود کو پولیس کے حوالے کرکے واردات کی تفصیلات پر مشتمل اقبالی بیان درج کرادیا۔لاش طائف ریاض شاہراہ سے 15کلو میٹر دور ریگستان میں پڑی پائی گئی۔ واردات کرنے والے کا کہناہے کہ وہ اور اسکا مقتول ساتھی جدہ سے ریاض جارہے تھے۔ دونوں میں جھگڑا ہوگیا ۔ اس پر اس نے دھار دار آلے سے حملہ کرکے اسے ہلاک کرکے ریگستان میں پھینک دیا تھا۔
