پراگ......چیک جمہوریہ میں سدھارے ہاتھی نے سرکس میں کام کرنے والی خاتون کو اٹھاکر پٹخ دیا جس سے خاتون شدید زخمی ہو گئی ۔ چیک کے جنوب مشرقی شہر زالین میں واقعہ کے بعد خا تون کا آپریشن کیا گیا۔ سرکس میں کام کرنے والی خاتون کئی ہاتھیوں کو خوراک ڈال رہی تھی کہ ایک ہاتھی کی سونڈ پر خاتون کے ہینڈ بیگ کا پٹہ لگنے کے بعد اس نے خاتون کو سونڈ پر اٹھا لیا اور 6فٹ کی بلندی سے زمین پر دے مارا جس کے نتیجہ میں خاتون کی ٹانگوں پر زخم آئے ۔ ڈاکٹروں کے مطابق خاتون کی حالت خطرے سے باہر ہے ۔ پو لیس نے کہا ہے کہ سرکس کے منیجر کے خلاف غفلت برتنے کے الزام میں تحقیقات کی جا رہی ہے۔
