کوہاٹ...کوہاٹ میں پولیس وین پر فائرنگ سے ایس ایچ او سمیت 4 اہلکار جاں بحق ہوگئے ۔ اطلاعات کے مطابق کوہاٹ میں پولیس اہلکار کمال خیل میں کارروائی کے بعد واپس لوٹ رہے تھے کہ دہشت گردوں نے پولیس وین کو نشانہ بنایا ۔پولیس کی جانب سے جوابی فائرنگ بھی کی گئی تاہم ملزمان فرار ہونے میں کامیاب ہوگئے۔شہید ہونے والوں میں ایس ایچ او لاچی خان اللہ، ایڈیشنل ایس ایچ او طاہر خان، عابد اور تنویر علی شامل ہیں۔ سیکیورٹی فورسزنے علاقے کو گھیرے میں لے کر سرچ آپریشن شروع کردیا ۔
