کانپور ۔۔۔۔۔۔ شہرکے لال بنگلہ علاقے میں واقعہ ساڑی سینٹر میں زبردست آگ لگ گئی۔ آگ اتنی ہولناک تھی کہ ایک ہی خاندان کے4افرادکو اپنی لپیٹ میں لے لیا جس سے وہ زندہ جھلس کر ہلاک ہوگئے۔ لال بنگلہ علاقے میں واقع ایک ساڑی سینٹر کے مالک نیرج جین کے گھر میں پیر کی صبح3بجے اچانک آگ لگ گئی۔ دیکھتے دیکھتے پورامکان آگ کے شعلوں میں تبدیل ہوگیا۔گھر میں موجود افراد اس ہولناک آتشزدگی کے باعث باہر نکلنے میں ناکام رہے۔ مکان میں موجود سامان نکالنے اور نہ ہی مکینوں کو بچانے کا موقع ملااورگھر کے4 افراد شعلوںکی نذر ہوگئے۔اطلاع ملنے پر فائر بریگیڈ کے عملے نے جائے وقوعہ پر پہنچ کر آگ پر قابو پایا۔ پولیس نے بتایا کہ آتشزدگی کے اسباب کا پتہ لگایا جارہا ہے نیز اس سلسلے میں ایک رپورٹ بھی درج کرلی گئی ہے۔ واقعہ کی تحقیقاتی رپورٹ بہت جلد منظرعام پر لائی جائے گی۔
