بجٹ عوامی امنگوں کا ترجمان ہوگا ،نواز شریف

اسلام آباد...وزیر اعظم نواز شریف نے کہا ہے کہ عوام کو جواب دہ ہیں۔ہر صورت میں اصلاحات کا ایجنڈا مکمل کریں گے۔ جمعہ کو پارلیمنٹ ہاوس اسلام آباد میں وزیراعظم کی زیر صدارت پارلیمانی پارٹی کا اجلاس ہو۔وزیر خزانہ اسحاق ڈار نے ارکان پارلیمنٹ کو بجٹ کے خدو خال پر بریفنگ دی۔ عوام کو ریلیف دینے کے لئے ارکان کی تجاویز بھی لی گئیں۔ اس موقع پر نواز شریف نے کہا کہ بجٹ عوامی امنگوں کا ترجمان ہوگا ۔ عوامی مشکلات کو مد نظررکھتے ہوئے بجٹ تیار کیا گیا۔ملکی تاریخ میں پہلی مرتبہ ایک ہزار ارب روپے سے زائد کا ترقیاتی بجٹ مختص کیاجا رہاہے۔ اب قوم فیصلہ کرے گی کہ کس نے کارکردگی دکھائی اور کس نے کچھ نہیں کیا ۔انہوں نے کہا کہ آج منصوبے تیزی سے مکمل ہو رہے ہیں۔ آئندہ چند ماہ میں 3600 میگا واٹ بجلی قومی گرڈ میں شامل ہوجائے گی۔ ملکی تاریخ میں پہلی مرتبہ ایک ہزار ارب روپے سے زائد کا ترقیاتی بجٹ مختص کیاجا رہاہے۔ اب قوم فیصلہ کرے گی کہ کس نے کارکردگی دکھائی اور کس نے کچھ نہیں کیا ۔انہوں نے کہا کہ آج منصوبے تیزی سے مکمل ہو رہے ہیں۔ آئندہ چند ماہ میں 3600 میگا واٹ بجلی قومی گرڈ میں شامل ہوجائے گی ۔ انہوں نے کہا کہ2013 میں مسائل ورثے میں ملے۔ نیک نیتی کے ساتھ کام کررہے ہیں ۔ ہرصورت میں اصلاحات کا ایجنڈا مکمل کریں گے۔ ملک میں امن و امان کی صورتحال بہتر اورمستحکم ہوئی ہے۔ پورے ملک کو موٹر وے اور سڑکوں کا جال بچھا کر جوڑ دیا گیا ۔