مصری ہدایت کار تامر کرم نے اطاع دی ہے کہ ’ چائلڈ سٹار رابی احمد اور اس کے والد احمد ٹریفک حادثے میں ہلاک ہوگئے‘۔
سیدتی میگزین کے مطابق تامر کرم نے فیس بک پر رابی احمد کے ساتھ اپنی ایک تصویر شیئر کی جس کے کیپشن میں تحریر کیا’غمزدہ دل اور انتہائی دکھ کے ساتھ اطلاع دے رہا ہوں کہ رابی احمد اور اس کے والد ٹریفک حادثے میں جان کی بازی ہار گئے‘۔
چائلڈ سٹار رابی احمد نے متعدد ڈراموں میں کام کیا اور شائقین کی توجہ حاصل کی۔ ’گرینڈ طیبہ‘ تھیٹر میں ’کھلونے کی کہانی‘ نامی ڈرامے میں بھی حصہ لیا تھا۔ متعدد اشتہارات میں بھی کام کرچکے ہیں۔
