جمعہ 6 اکتوبر کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں کمی کا سلسلہ رواں کاروباری ہفتے کے آخری دن بھی جاری رہا۔

سٹیٹ بینک آف پاکستان کے مطابق انٹربینک مارکیٹ میں جمعے کو پاکستانی روپے کے مقابلے میں امریکی ڈالر کی قیمت میں93 پیسے کی کمی ہوئی ہے جس کے بعد اس کی نئی قیمت 282.69 روپے ہو گئی ہے۔

انٹربینک مارکیٹ میں سعودی ریال کی قدر 77.37، اماراتی درہم 76.96، بحرینی دینار 749.88، عمانی ریال 734.24، کویتی دینار 914.10 اور قطری ریال کی قیمت 77.51 روپے ریکارڈ کی گئی۔

دوسری جانب اوپن مارکیٹ میں 6 اکتوبر کو امریکی ڈالر کی قیمت خرید 279.5 اور قیمت فروخت 282.25 روپے ریکارڈ کی گئی۔

سعودی ریال کی قیمت خرید 74.3 اور قیمت فروخت 75 جبکہ اماراتی درہم کی قیمت خرید 76.8 اور قیمت فروخت 77.5 روپے رہی۔