شاہ سلمان کا دیو قامت پورٹریٹ گنیزبک میں شمولیت کے لیے تیار

ریاض( نیوز ڈیسک)سعودی وزارت تعلیم نے جدہ شہرمیں قائم شہزادہ سعود الفیصل اسکول میں خادم الحرمین الشریفین شاہ سلمان بن عبدالعزیز کا دیو قامت پورٹریٹ تیار کرکے ان کی تصاویر کا ایک نیا ریکارڈ قائم کر دیا ۔ شاہ سلمان کا پورٹریٹ سعودی عرب کے 86ویں قومی دن کے موقع پر تیار کیا گیا۔ دیو قامت پورٹریٹ کی نمائش کے موقع پرمحکمہ تعلیم ، سینیئر سیکیورٹی افسران اور عام شہریوں کی بڑی تعداد موجود تھی۔ یہ پورٹریٹ سعودی آرٹسٹ محمد العسیری نے نہایت محنت اور عرق ریزی سے تیار کیا ہے۔ 216 مربع میٹر پرپھیلی یہ تصویر کسی سابق سعودی رہنما کی اب تک کی سب سے بڑی تصویر ہے۔ پورٹریٹ کی تیاری میں کچی دھات الیکینوز کا استعمال کیاگیا۔ تصویرمیں الیکرولین رنگ استعمال کئے گئے۔ اب اسے دنیا کے سب سے بڑے پورٹریٹ کے طور پر گینز بک آف ورلڈ ریکارڈ میں شامل کرنے کی تیاریاں کی جا رہی ہیں۔