برمنگھم...بنگلہ دیشی ٹیم کے آل راونڈر تمیم اقبال نے کہا ہے کہ ہماری ٹیم سخت محنت کے بعد اس مقام تک پہنچی ہے وقت آگیا کہ اسے وہ احترام دیا جائے جس کی یہ مستحق ہے۔ٹیم کو اس مقام تک پہنچانے میں تمیم اقبال کا کردار بھی اہم ہے۔7 سال قبل شروع ہو نے اس سفر میں 2015کے ورلڈ کپ کے بعد تیزی آئی۔ غیر معروف ٹیم کے اس نے ون ڈے کی نمایاں ٹیم کی حیثیت حاصل کرنا شروع کی۔اس دوران ورلڈ کپ میں اچھی کارکردگی کے بعد پاکستان، انگلینڈ اور جنوبی افریقہ کے خلاف سیریز کی فتح نے ٹیم کی ریکنگ میں بھی نمایاں اضافہ کیا ۔اب یہ ٹیم اپنی تاریخ کی بہترین رینکنگ کی حامل ہے اور اس نے3 سابق ورلڈ چیمپیئن ٹیموں کو پیچھے چھوڑتے ہوئے چھٹی پوزیشن پر قبضہ کرلیا۔ اب ہم اس مقام پر ہیں دنیائے کرکٹ ہمارا نوٹس لےنے لگی ہے اور اعداد وشمار کے مطابق بنگلہ دیشی ٹیم گزشتہ دو سال کی کامیابیوں کی روشنی میں اس وقت دنیا کی بہترین ٹیموں میں سے ایک قرار دی جاسکتی ہے اور بڑی ٹیموں کے خلاف کامیابیوں نے ہمیں اس قابل کر دیا ہے کہ ہم ورلڈ کپ تک براہ راست رسائی کر لیں۔آئی سی سی کے قواعد کے مطابق 30 ستمبر تک رینکنگ میں ابتدائی 8ٹیمیں براہ راست میگا ایونٹ کھیل سکیں گی دیگرٹیموں کو ،جن میں پاکستان شامل ہو سکتا ہے، کوالیفائنگ راونڈ کھیلنا پڑے گا۔
