شعلہ پور۔۔۔۔چلتی ٹرین میں کئی بچوں اور عورتوں پرحملہ والے 11ملزمان کو پولیس نے گرفتار کرلیا۔ یہ واقعہ شعلہ پورپونا مسافر ٹرین میں پیش آیا ۔47سالہ بھیم راؤ اپنے خاندان والوں کے ساتھ ٹرین میں سوار تھے کہ اچانک اس کی 10سالہ بیٹی کا پاؤں ایک خاتون کے سامان سے ٹکرا گیاجس پر خاتون نے اسے طمانچہ ماردیااس نے اپنے ساتھیوں کو آواز دی۔ 20سے 25نوجوان لاٹھیوں اورسلاخوں کے ساتھ بوگی میں گھس آئے اور بھیم راؤ کے خاندان والوں پر حملہ کردیا۔پولیس نے کہا کہ ملزمان کو گرفتار کرلیا گیا۔تاہم ان نوجوانوں کو حملے کیلئے بلانے والی ملزمہ ابتک لاپتہ ہے۔
