سب کو پتا ہے کہ حکومت مسلم لیگ ن پر ٹھونسی جا رہی ہے، جاوید لطیف
اگر صدر قومی اسمبلی کا افتتاحی اجلاس بلانے سے انکار کرے تو کیا ہوگا؟
سندھ اسمبلی کے پہلے مسیحی ڈپٹی سپیکر بننے والے انتھونی نوید کون ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنہوں نے ووٹ نہیں دیا ان کی بھی وزیراعلٰی ہوں: مریم نواز
نومنتخب وزیراعلٰی پنجاب مریم نواز نے تقریر کرتے ہوئے کہا کہ ان کو افسوس ہے کہ اپوزیشن کے اراکین موجود نہیں تھے۔ ’میں چاہ رہی تھی کہ وہ جمہوری عمل میں موجود ہوتے۔‘
ان کا کہنا تھا کہ ہم پر بھی مشکل وقت آئے اور بربریت کا نشانہ بنایا گیا لیکن ہم نے بطور جماعت میدان خالی نہیں چھوڑا۔
’آج اگر اپوزشین موجود ہوتی اور تقریر کے دوران شور شرابا کرتی تو مجھے خوشی ہوتی۔‘
ان مزید کہنا تھا کہ’میں ان سب کی بھی وزیراعلٰی ہوں جنہوں نے مجھے ووٹ دیا اور ان کی بھی ہوں جنہوں نے مجھے ووٹ نہیں دیا۔‘
اپوزیشن کو کہنا چاہتی ہوں کہ میرے دفتر، دل اور چیمبر کے دورازے ان کے لیے کھلے ہیں۔
انہوں نے سیاسی جماعتوں کو مخاطب کرتے ہوئے کہا کہ ’جتنی مسلم لیگ ن کی وزیراعلٰی ہوں، اتنی آپ کی بھی ہوں۔‘
’آج پاکستان کی پہلی خاتون وزیراعلیٰ ایوان میں کھڑی ہیں۔ میں امید کرتی ہوں یہ سلسلہ میرے بعد بھی چلے۔‘
ان کہنا تھا کہ نہ انتقام اور نہ بدلے کا جذبہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مریم نواز پنجاب کی پہلی خاتون وزیراعلٰی منتخب، اپوزیشن کا بائیکاٹ
ووٹوں کی گنتی کے بعد سپیکر پنجاب اسمبلی نے اعلان کیا کہ مریم نواز نے 220 ووٹ حاصل کیے ہیں جبکہ آفتاب احمد خان نے سفر ووٹ حاصل کیے ہیں۔
سپیکر نے کہا ہے کہ صوبائی اسمبلی پنجاب کے رولز آف پرویسجر کے مطابق مریم نواز کو وزیراعلٰی قرار دیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلٰی پنجاب کے انتخاب کے لیے ووٹنگ کا عمل مکمل
وزیراعلٰی پنجاب کے انتخاب کے لیے ووٹنگ کا عمل مکمل ہو گیا ہے۔
مریم نواز سمیت لیگی اتحاد نے ووٹ کاسٹ کر لیے جبکہ سنی اتحاد کونسل نے ووٹنگ کے عمل کا مکمل بائیکاٹ کیا۔
اسمبلی سٹاف پولنگ ایجنٹ کی موجودگی میں ووٹوں کی گنتی کر رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپیکر نے ووٹنگ کا عمل شروع کروا دیا، سنی اتحاد کونسل کا بائیکاٹ جاری
وزیراعلٰی پنجاب کے انتخاب کا عمل شروع ہو گیا ہے۔
سپیکر نے سنی اتحاد کونسل کے بغیر ہی ووٹنگ کا آغاز کر دیا ہے۔
کچھ دیر قبل سنی اتحاد کونسل نے بولنے کی اجازت نہ ملنے پر ایوان سے ایک مرتبہ پھر واک آؤٹ کیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنی اتحاد کونسل سے مذاکرات کے لیے چار رکنی کمیٹی تشکیل
سنی اتحاد کونسل سے مذاکرات کے لیے سپیکر نے چار رکنی کمیٹی بنا دی۔
خواجہ عمران نذیر، سہیل شوکت بٹ، خواجہ سلمان رفیق اور طاہر خلیل سندھو پر مشتمل کمیٹی مذاکرات کر رہی ہے۔
مسلم لیگ ن کی چیف آرگنائزر مریم نواز نے سپیکر سے درخواست کی ہے اپوزیشن کا بائیکاٹ ختم کرنے کی کوشش کی جائے۔
سپیکر پنجاب اسمبلی کا کہنا تھا کہ ’آپ کا یہ رویہ قابل ستائش ہے لیکن میں آئین کا پابند ہوں۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنی اتحاد کونسل کے اراکین کا ایوان سے واک آؤٹ
سپیکر نے سنی اتحاد کونسل کے اعجاز شفیع اور رانا آفتاب کو بولنے کا موقع نہ دینے پر واک آؤٹ کیا۔
سپیکر کا کہنا تھا کہ ’آپ کا کوئی بھی لفظ کاروائی کا حصہ نہیں بن سکتا۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی کا اجلاس شروع
پنجاب اسمبلی کا اجلاس آدھے گھنٹے کی تاخیر سے شروع ہو گیا ہے۔
اجلاس کی صدارت سپیکر پنجاب اسمبلی ملک محمد احمد خاں کر رہے ہیں۔
سپیکر پنجاب اسمبلی نے اجلاس سے خطاب کرتے ہوئے کہا کہ آج قائد ایوان کا انتخاب ہو رہا ہے۔
خطاب میں ان کا کہنا تھا کہ اپنی آئینی ذمہ داری اپنے حلف کے مطابق ادا کروں گا۔
انہوں نے کہا کہ ایوان آئین کے تابع ہے۔ آئین کی بالادستی کا حلف اٹھایا ہے اور اپنے حلف کی پاسداری کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئی جی پنجاب ڈاکٹر عثمان انوار کا اسمبلی کا دورہ، سکیورٹی انتظامات کا جائزہ
آئی جی پنجاب ڈاکٹر عثمان انور نے اسمبلی کے دورے کے موقع پر سکیورٹی انتظامات کا جائزہ لیا۔
ان کے ہمراہ چیف سیکریٹری پنجاب زاہد اختر زمان بھی موجود تھے۔
آئی جی پنجاب ڈاکٹر عثمان انور نے کہا کہ ’سکیورٹی اہلکار ہائی الرٹ ہو کر فرائض ادا کریں۔‘
’کسی بھی غیر متعلقہ شخص کو پنجاب اسمبلی کے احاطے میں داخلے کی اجازت نہ دی جائے۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی کے اراکین اسمبلی پہنچ گئے ہیں۔
مسلم لیگ ن کی نامزد وزیراعلٰی مریم نواز بھی اسمبلی پہنچ گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مریم نواز کے کام کرنے کا سٹائل مختلف ہو گا، عظمیٰ بخاری
مسلم لیگ ن کی رہنما عظمیٰ بخاری نے کہا ہے کہ ایوان سے منتخب ہونے کے بعد مریم نواز روڈ میپ عوام کو دیں گی۔
پیر پنجاب اسمبلی آمد پر میڈیا سے گفتگو میں عظمیٰ بخاری نے کہا کہ آج پنجاب کو ایک اچھا چیف ایگزیکٹیو ملنے جا رہا ہے۔
ان کا مزید کہنا تھا کہ ’میڈم مختلف وزیراعلٰی ہوں گی۔ کام کرنے کا سٹائل مختلف ہو گا۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج سرپرائز دیں گے، وزیراعلٰی پنجاب کے امیدوار رانا آفتاب احمد خان
سنی اتحاد کونسل کے وزیراعلٰی کے امیدوار رانا آفتاب احمد خان پنجاب اسمبلی پہنچ گئے۔
سنی اتحاد کونسل کی پارلیمانی پارٹی کے اجلاس کی صدارت رانا آفتاب احمد خان کریں گے۔
رانا آفتاب احمد خان نے کہا کہ ’ہماری پاس اچھی تعداد ہے سرپرائز دیں گے۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اور سندھ میں وزرائے اعلٰی کا انتخاب آج
صوبہ پنجاب اور سندھ میں آج وزرائے اعلٰی کا انتخاب ہو گا۔
پنجاب کے وزیراعلٰی کے عہدے کے لیے مسلم لیگ ن کی مریم نواز اور سنی اتحاد کونسل کے رانا آفتاب احمد خان کے درمیان مقابلہ ہو گا۔
سندھ میں پیپلز پارٹی کے مراد علی شاہ کا مقابلہ ایم کیو ایم کے علی خورشیدی سے ہو گا۔
پنجاب اسمبلی کا اجلاس دن 11 بجے اور سندھ اسمبلی کا اجلاس دو بجے ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک محمد احمد خان سپیکر پنجاب اسمبلی اور ملک ظہیر اقبال چنڑ ڈپٹی سپیکر منتخب
