عیدالفطرکی تقریبات کا سلسلہ جاری، جازان میں ڈرون شو
ڈرونز کے ذریعے آرٹ کے خوبصورت نمونے بھی بنائے گئے(فوٹو، ایس پی اے)
مملکت کے مختلف شہروں میں عید الفطر کے موقع پرتفریحی پروگراموں کا سلسلہ جاری ہے۔ جازان میں میونسپلٹی اورگورنریٹ کے تعاون سے خوبصورت ڈرونز شو پیش کیے گئے۔
سعودی خبررساں ایجنسی ’ایس پی اے‘ کے مطابق جازان ریجن میں بھی عید الفطر کے موقع پرتینوں دن تفریحی پروگرامز منعقد کیے گئے ۔ شہری انتظامیہ کی جانب سے ڈرونز شو کا خصوصی اہتمام کیا گیا۔
عید الفطر کے پروگراموں میں جہاں مختلف نوعیت کی تفریحی کا انتظام کیا گیا وہاں رات کے وقت خوبصورت ڈرون شو دیکھنے کےلیے اہلیان جازان مقررہ مقام پر پہنچ گئے۔
ڈرونز کے ذریعے رنگ برنگی روشنی سے شہریوں کو عید الفطر کی مبارک باد پیش کی گئی جبکہ ان ہی ڈرونز سے مختلف خوبصورت آرٹ کے نمونے بھی بنائے گئے جنہیں حاضرین نے بے حد سراہا۔
