ٹریفک خلاف ورزیوں پر ایک ہزار سے زیادہ موٹر سائیکلیں ضبط

سعودی محکمہ ٹریفک نے متعدد خلاف ورزیوں پرایک ہزار 134 موٹر سائیکلیں ضبط کی ہیں۔

سبق ویب سائٹ کے مطابق 2 جون سے 8 جون تک مختلف شہروں میں کارروائی ہوئی ہے۔

محکمہ ٹریفک نے کہا ہے کہ’ سب سے زیادہ موٹر سائیکلی جدہ میں ضبط ہوئی ہیں جن کی تعداد 668 ہے‘۔

محکمہ ٹریفک نے کہا ہے کہ ’دوسرے نمبر پر ریاض ہے جہاں 214 موٹر سائیکلیں ضبط ہوئی ہیں‘۔

’مدینہ منورہ میں 77، مکہ مکرمہ میں 39، عسیر میں 48 اور نجران میں 17 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔

محکمے نے کہا ہے کہ ’جس طرح گاڑیوں پر ٹریفک قوانین لاگو ہوتے ہیں اسی طرح موٹر سائیکلوں پر بھی لاگو ہیں‘۔