جدہ.... کنگ عبدالعزیز انٹرنیشنل ایئرپورٹ جدہ کے کسٹم افسران نے 1720گرام ہیروئن اور کوکین کی اسمگلنگ کی کوشش ناکام بنادی۔ عمرہ ویزے پر آنے والے بعض غیر ملکی ہیروئن اورکوکین پیٹ میں چھپا کراسمگل کرنے کی کوشش کررہے تھے۔ ایئرپورٹ پر کسٹم کے ڈائریکٹر جنرل بندر الرحیلی نے یہ اطلاع دیتے ہوئے واضح کیا کہ ایک کسٹم اہلکار نے شبے کی بنیاد پر ایک مسافر کی جامہ تلاشی لی۔ مشین کے ذریعے پتہ چلا کہ اسکے پیٹ میں 60کیپسول ہیں۔ ان سے 679گرام کوکین برآمد ہوئی۔ ایک دوسرے مسافر پر شبے کے باعث تلاشی لی گئی تو اسکے پیٹ سے 100کیپسول برآمد ہوئے جن میں 779گرام ہیروئن نکلی۔ ایک تیسرے معتمر کی تلاشی پر 262گرام کوکین برآمد ہوئی۔ اسمگلنگ کی تینوں کوششیں ناکام بنادی گئیں۔
