سعودی عرب کے مدینہ منورہ ریجن کے ینبع سیکٹر میں سعودی سرحدی محافظوں کی سرچ اینڈ ریسکیو ٹیموں نے 7 شہریوں کو بچا لیا۔ ان کی کشتی سمندر میں ٹوٹ گئی تھی۔
اخبار 24 کے مطابق سرحدی محافظوں نے کشتی ڈوبنے کے بعد شہریوں کو مدد فراہم کی۔
جنرل ڈائریکٹوریٹ آف بارڈر گارڈز نے موسمی صورتحال پر نظر رکھنے اور موسمیاتی اتار چڑھاو کے دوران احتیاط برتنے پرزور دیا ہے۔
سمندر میں جانے سے قبل کشتی کی سیفٹی کو یقینی بنانے اور میرین ٹائم سیفٹی گائیڈ لائنز پرعمل کرنے پر بھی زور دیا گیا۔
جنرل ڈائریکٹوریٹ آف بارڈر گارڈز کا کہنا ہے کہ مکہ مکرمہ اور مشرقی ریجن میں 911 اور مملکت کے دیگر علاقوں میں 994 پر ہنگامی امداد کےلیے کال کی جائے۔
