اسلام آباد سمیت پاکستان کے مختلف شہروں میں 5.7 شدت کا زلزلہ

پاکستان کے دارالحکومت اسلام آباد سمیت ملک کے مختلف حصوں میں زلزلے کے جھٹکے محسوس کیے گئے ہیں۔

زلزلہ پیما سینٹر کے مطابق زلزلے کی شدت 5.7 ریکارڈ کی گئی ہے جبکہ اس کی گہرائی 94.1 کلومیٹر تھی۔

زلزلہ سنیچر کی دوپہر 11 بج کر 47 منٹ پر آیا جس کا مرکز افغانستان اور تاجکستان کا سرحدی علاقہ تھا۔

صوبہ پنجاب کے شہروں راولپنڈی، چکوال، حسن ابدال اور میانوالی سمیت دیگر علاقوں میں بھی زلزلے کے جھٹکے محسوس کیے گئے تاہم کسی بھی علاقے سے جانی و مالی نقصان کی رپورٹ موصول نہیں ہوئی۔