بیجنگ... چین نے کہا کہ پاکستان دہشت گردی کے خلاف عالمی جنگ میں فرنٹ لائن اسٹیٹ ہے۔چینی وزارت خارجہ کے ترجمان نے بریفنگ میں ایک سوال پر کہا کہ چین ہر دہشت گردی کی ہر قسم کی مذمت کرتا ہے تاہم دہشت گردی کو مخصوص ممالک سے جوڑنے کی بھی مخالفت کرتے ہیں۔ انہوں نے کہا کہ پاکستان انسداد دہشت گردی کی کوششوں میں اپنا کردار ادا کررہا ہے۔ترجمان نے مزید کہا کہ انسداد دہشت گردی کے حوالے سے عالمی تعاون کو بڑھانا چاہیے۔ عالمی برادری پاکستان کی جانب سے کی جانے والی کوششوں کو تسلیم کرے اور اس کا اعتراف کرے۔
