سلمان خوش اخلاق ہیں، سنی لیون

ممبئی .... بالی وڈ اداکارہ سنی لیون سلمان خان کو بے حد خوش اخلاق انسان مانتی ہے۔ فلم انڈسٹری میں انٹری سے پہلے سنی ریالٹی شو ’بگ باس‘ میں نظر آئی تھیں جس کے میزبان سلمان خان تھے۔ اب وہ راجیو والیہ کی رومانٹک فلم ’تیرا انتظار‘ میں سلمان کے بھائی ارباز خان کے ساتھ کام کرتی نظر آئیں گی۔ سنی لیون نے کہا ہے کہ سلمان کا رویہ ان کے ساتھ ہمیشہ انتہائی خوش اخلاق اور دوستانہ رہا ہے۔ یہی وجہ ہے کہ وہ ہمیشہ ان کی تعریف کرتی ہیں۔ سنی نے کہا، "میں سلمان سے کئی بار ملی ہوں، ارباز کے ساتھ بھی کافی وقت گزارا ہے۔مجھے معلوم ہے کہ ارباز اور ان کے خاندان کے لوگ بہت اچھے ہیں۔ شاہ رخ خان کی فلم 'رئیس' اور سوناکشی سنہا کی فلم 'نور' میں مہمان کردار کے طور پر کام کرنے کے بعد سنی ابھی اجے دیوگن، عمران ہاشمی کی فلم 'بادشاہو' کے ایک گانے میں عمران ہاشمی کے ساتھ رقص کرتی نظر آئیں گی۔