پاکستانی نژاد امریکی تاجر نے شہزادہ ولید کا ہوٹل خرید لیا

پاکستانی نژاد امریکی تاجر شاہد خان کی کمپنی نے شہزادہ ولید بن طلال سے دنیا کے مہنگے ترین ہوٹلوں میں سے ایک خرید لیا اور یہ سودا 22 کروڑ 50 لاکھ کینیڈین ڈالر میں طے پایا ہے جس کی مالیت 17 ارب 80 کروڑ پاکستانی روپے کے لگ بھگ بنتی ہے۔پاکستان میں پیدا ہونے والے امریکی تاجر شاہد خان فلیکس این گیٹ آٹو پارٹس کمپنی کے مالک اور انگلش پریمیئر لیگ کلب فلہیم کے بھی مالک ہیں ۔ کنگڈم ہولڈنگ کمپنی نے 4 سال قبل یہ ہوٹل 20 کروڑ کینیڈین ڈالر میں خریدا تھا اور ا سے ایک کروڑ 70 لاکھ کینیڈین ڈالر کا منافع بھی ملا۔ اس ہوٹل کا نام فور سیزن ہے جو کینیڈا میں ہے جسے دنیا کے مشہور ترین ہوٹلوں میں شمار کیا جاتا ہے۔